သူငယ်ချင်း အားလုံး နှစ်သစ်မှာ မင်္ဂလာပါဗျာ ။ ကျနော်လည်း မအားတာရော ၊ပျင်းတာရောနဲ့ သူများရေးတာတွေပဲ လိုက်ဖတ်နေတာ ကြာပြီ ။ ခုတော့ အလုပ်နားထားတုန်း သူငယ်ချင်းတို့  တွက် ဗဟုသုတနည်းနည်း ဖြစ်ဖြစ် ၊ရလောက်မယ်ထင်တဲ့ အတွေ့ အကြုံလေး တစ်ခု ဒီကနေ့ တော့ စပ်မိစပ်၇ာ သူငယ်ချင်းတွေတွက် မျှဝေလိုက်တယ်.ဒါပေမယ့် တစ်ခုတော့ ကြိုပြောပါရစေ ခုရေးမယ့် အဖြစ်ပျက်ဟာ တကယ် ကျနော် ကိုယ်တိုင် ကြုံခဲ့တာမို့  ကာယကံရှင် အမည်ရင်းကလွဲလို့ 
ကျန်တာတွေကို ကျနော် ကြုံခဲ့တဲ့ အတိုင်း ရေးမှာပါ ။ အဲ့ကြောင့် ကြောက်တတ်သူများနဲ့  ရွံ တတ်သူများ မဖတ်ချင်ရင် မဖတ်မိဖို့  ကြိုတင်ပြောပါရစေ........
အဖြစ်ကတော့ ဒီလိုဗျ လွန်ခဲ့တဲ့ ၈ နှစ်လောက် ကျနော် မလေးကနေ ရန်ကုန်ကို ပထမ တစ်ခေါက်ပြန်တုန်း ဖြစ်ပျက်ခဲ့တာလေးပါ။ ကျနော်တို့ လမ်းထဲ ၊လမ်းထဲဆိုတာထက် ကျနော့ အိမ်ဘေးက အကိုလိုခင်တဲ့ သူတစ်ယောက်ဆုံးလို့  လိုက်ပို့  သဂြိုလ်ခဲ့ရတာလေးပါ။ ကျနော် ပြန်ရောက်ပြီး မကြာခင် အဲ့အကို ကိုသက်ဝင်း ( အမည် လွှဲထားပါတယ်) ဆေးရုံးက ပြန်ဆင်းလာတာ မကြာသေးဘူး ။ အရက်က အရမ်းသောက်တော့ အသည်းတွေက မခံနိုင်ပဲ ဆေးရုံတက်ရတာ။ သူတို့ မှာ လော်လီကား ထောင်ထားတော့ အော်ဒါရရင် ကားမောင်းသမား ငှါးပြီး သူကိုယ်တိုင် ဘေးကနေလိုက် ညနေ အိမ်ပြန်ချိန်ဆို ကားက လမ်းထဲတန်းမဝင်ဘူး လမ်းထိပ် အရက်ဆိုင်မှာ ကားထိုးပြီး သောက်စားပြီးမှ အိမ်ပြန်လာတာ ။ ကြာလာတော့ အရက်ဒဏ်ရယ် ၊ကားခုန်တဲ့ ဒဏ်တွေကြောင့် အသည်းထိလာတာပေါ့ ။ ဆရာဝန်က မှာလိုက်တယ် အရက်ကို လုံးဝ သောက်လို့ မရဘူး ။ကားလည်း မလိုက်နဲ့ အုံး ၊ အိမ်မှာပဲ အေးဆေး ၂ လ ၃ လ အနားယူအုံးလို့  မှာလိုက်တာကို သူက မရဘူး ။အရက်က နိုင်သွားတော့ သူ့ မိန်းမ မသိအောင် ခိုးသောက်တယ် ၊ သူသေမယ့်နေ့  ကားက သထုံဘက်ကို အော်ဒါရတယ် ။ကားမောင်းသမား တစ်ယောက်ထဲဆို စိတ်မချလို့ သူပါလိုက်မယ်ဆိုပြီး ဇွတ်လိုက်သွားတာ ၊သွားတုန်းထဲက ကားပေါ်အရက်ကို ပါဆယ်ဝယ်ပြီးသောက် ကားကခုန် ၊ပြန်လာတော့ ဘီးလင်းနားအရောက် ညဘက်ကြီး သွေးတွေ အန်ပါလေရော သူ့ ကားမောင်းသမားက ပွေ့ ပြီး ကားတစ်စီးငှါး ဘီးလင်းဆေးရုံးပို့ ပေမယ့် ဟိုရောက်တော့ သွေးအန်တာလွန်ပြီး ဆုံးပြီ။ အဲ့ဒါနဲ့  ကားသမားလည်း ညတွင်းချင်း ဖုန်းဆက်အကြောင်းကြားလို့  ကျနော်တို့  လူရင်း ၅ ယောက်လောက်နဲ့  သူ့ မိန်းမရယ် ကလေး ၂ ယောက်ရယ် သူ့ မိန်းမ အဖေ အမေနဲ့  ညတွင်းချင်း လိုက်ကြရတာပေါ့...အဖြစ်က အဲ့မှာစတာပဲ
သူ့ မိန်းမက အလောင်းကိုညတွင်းချင်း ရန်ကုန်ပြန်သယ်မယ် ။ ပြီးရင် ရေဝေးမှာထားမယ်။ သဂြိုလ်ပြီးရင် အရိုးကောက်ပြီး ရန်ကုန် တစ်ဖက်ကမ်းက သူတို့ ရွာမှာ အုတ်ဂူ လုပ်ပေမယ် အဲ့လိုစီစဉ်လာတာ အဲ့တွက် အလောင်သယ်ဖို့  ကျနော်တို့ က အမာခံတွေပေါ့ ။အလောင်က သယ်မယ်ဆိုလည်း လူသေတစ်ယောက်လို သယ်လို့ မရဘူးလေ ။လမ်းစစ်ဆေးရေး ဂိတ်တွေကလူသေကို သယ်လို့ မရဘူး။ စစ်တယ်။ အဲ့တွက် လူနာသဘောမျိုး တစ်ယောက်တလှည့်ပွေ့ ပြီး ဟန်ဆောင်ပုလင်းချိတ်ပြီး သယ်ရမှာ။အဲ့တွက်က ကိစ္စ မရှိဘူး ဆရာဝန်နဲ့ ညှိလို့ ရတယ် ။ ခက်တာက ခုကျနော်တို့  ငှါးလာတဲ့ လိုက်အေ့ ကားမောင်းတဲ့ သူကို ညှိရမှာ သူ့ ကို အလောင်းသယ်မယ်ဆိုပြီး ငှါးလာတာမဟုတ်ဘူး။ ဟိုမှာ သွားသဂြိုလ်မှာဆိုပြီး ငှါးလာတာ ။ ဒါပေမယ့် သူက ကိုယ်ပိုင်ကားမောင်းသူမဟုတ်ဘူး ၊ အဲ့တွက် ညှိရတာတော့ သိပ်မခက်လောက်ဘူး ပက်ဆံထပ်ပေးပြီး ညှိရမှာပေါ့...
ဒီလိုနဲ့ ရန်ကုန်ကနေ ညနေ စောင်းလောက်ထဲက မောင်းလာတာ ဘီးလင်းရောက်တော့ ည ၉ နာရီကျော်လောက်တော့ရှိမယ်။ ဘီလင်း လမ်ဆုံမှာ လော်လီကားသမားက ထိုင်စောင့်နေတယ် ။ ကျနော်ကားမြင်တော့ လက်တားပြီး ဆေးရုံတန်းမောင်းတာပေါ့ ။ ဘီးလင်းဆေးရုံရောက်တော့ မှောင်မဲနေတာပဲ နယ်ဆေးရုံဆိုတော့ မီးက လင်းလင်းထင်းထင်း မရှိ။ ဆေးရုံက တောင်ခြေမှာ ဆောက်ထားတာ ဆေးရုံရောက်တော့ ဆရာဝန်နဲ့ တွေ့ အကျိုအကြောင်း ပြောရတာပေါ့ ။အလောင်ပြန်သယ်ဖို့  အဲ့တွက်တော့ ဆရာဝန်ကရတယ် သူလုပ်ပေးလိုက်မယ်ပေါ့ လမ်းမှာရောက်မှ ဆုံးတဲ့ ပုံစံမျိုး။ ဒီလိုနဲ့  အလောင်ထားတဲ့ ရင်ခွဲရုံက ဟိုတောင်ခြေဘက်မှာ မှောင်မဲနေတာပဲ ။တောင်ပေါ်မှာတော့ ဘုန်းကြီးကျောင်းရှိတယ် ။ကျနော်တို့  ရောက်တော့ အသံမစဲပဌန်းပွဲရှိတယ်ထင်တယ် ၊တရားသံတွေ ကြားနေရတယ်။ ဒါပေမယ့် တောင်ခြေမှာတော့ မှောင်မဲလို့ ပေါ့။ ရင်ခွဲရုံ သော့ကိုင်က ရှေ့ကဦးဆောင်ပြီး အလောင်သယ်မယ့် ကျနော်တို့  လူငယ် ၅ ယောက်က နောက်ကပေါ့ ..လူကလည်း တိတ် ၊ မှောင်ကလည်းမှောင် ပြီးတော့ ငှက်ဆိုးအော်သံလိုလို ပုရစ်အော်သံလိုလို တွေနဲ့  ဘာပဲပြောပြော စိတ်ထဲမှာတော့ ဟိုတွေး ဒီတွေးနဲ့  ကြက်သီးတွေလည်းထ။ ရင်ခွဲရုံရောက်တော့ သော့ဂလောက်ကို ဖွင့် ဖို့  တစ်ယောာက်က ဓါတ်မီးထိုးပေးရတယ် သော့ပွင့်သွားတော့ မင်တုန်းက သံချေးတက်နေလို့ လား ကြပ်လို့ လားတော့မသိ ၊ရင်ခွဲရုံစောင့်က အားနဲ့  တအားဆွဲချလိုက်မှ ဒိုင်းဆိုပြီ မင်းတုန်က ပွင့်ပြီး တံခါးလည်း ဖွင့်လိုက်ရော.............ဟာာာာာာာာာ မနက်ဖြန်ဆက်ရေးပါမယ် ခုတော့ ည ၁၂ ခွဲနေပြီး ဆက်ရေးရမှာ ကျောမလုံဘူး ဟိဟိ အပိုင်း ၂ ကို မျှော်
No comments:
Post a Comment